Job 7

UJobe ukhala kuNkulunkulu ngobunzima bokuhamba komuntu

1 Kakukho yini imfazo kumuntu emhlabeni, lensuku zakhe kazinjengensuku zoqhatshiweyo yini ^a? 2 Njengesigqili sikhefuzelela umthunzi ^b, lanjengesiqatshwa silindele iholo laso ^c, 3 ngokunjalo mina ngidliswe ilifa lenyanga ^d zeze ^e, lobusuku bezinhlupheko bubalelwe mina. 4 Lapho ngilala phansi ngithi: Ngizavuka nini? Ngoba ubusuku ^{▼▼ ubusuku: Heb ntambama.} bude, njalo ngigcwele ukutshukuma kuze kuse ^g. 5 Inyama yami yembethe impethu lamagade othuli ^h; isikhumba sami siyadabuka siyenyanyeka ⁱ. 6 Insuku zami ziyaphangisa kuleselukiso someluki, ziphele kungelathemba ^j. 7 Khumbula ukuthi impilo yami ingumoya; ilihlo lami kaliyikuphinda libone okuhle ^k. 8 Ilihlo longibonayo kaliyikungibona futhi; amehlo akho aphezu kwami, kodwa ngizakuba ngingasekho ^l. 9 Iyezi liyaphela linyamalale; ngokunjalo owehlela engcwabeni kayikwenyuka ^m. 10 Kaphindi abuyele emzini wakhe ⁿ, lendawo yakhe ^o kayisayikumazi ^p.

11 Ngakho mina kangiyikubamba umlomo wami; ngizakhuluma ekucindezelweni komoya wami, ngisole ^q ekubabeni komphefumulo wami ^r. 12 Ngilulwandle yini, kumbe isilo solwandle, ukuze lingibekele abalindi? 13 Lapho ngisithi: Umbheda wami uzangiduduza ^s, icansi lami liphungule ^t ukusola kwami ^u; 14 ubusungiqhaqhazelisa ngamaphupho, angethuse ngemibono ^v; 15 ukuze umphefumulo wami ukhethe ukuklinywa, ukufa kulamathambo ami. 16 Ngiyanengwa yikho, kangiyikuphila njalonjalo ^w; ngiyekele ^x, ngoba insuku zami ziyize ^y. 17 Uyini umuntu ukuthi umkhulise ^z, lokuthi ubeke inhliziyo yakho kuye ^aa, 18 lokuthi umhambele ikuseni yonke ^ab, umlinge sonke isikhathi ^ac? 19 Koze kube nini ungayekeli ukungiqaphela, ungangiyekeli ngize ngiginye amathe ami yini ^ad? 20 Ngonile, ngizakwenzani kuwe, wena mlindi wabantu ^ae? Ungimiseleni ngibe yinto yakho yokunenjwa, ngize ngibe ngumthwalo kimi ^af? 21 Njalo kawuthetheleli ngani isiphambeko sami, ususe isono sami? Ngoba sengizalala phansi othulini; uzangidinga ngovivi, kodwa kangiyikuba khona ^ag.